Na Međunarodnoj humanitarnoj akciji Help Portrait u Portu Montenegru prikupljeno je 1015 eura, a čitav prihod od prodatih fotografija namijenjen je, kao dobrotvorni prilog, za kupovinu reanomobila za službu tivatske Hitne pomoći.

Humani Tivćani su sa osmijehom na licu, i pozdravnim logotipom Help Potrat-a u ruci, bili modeli fotografima: Veriju Verozi, Miku, Vladu Trapari i Zoranu Radonjiću.

Akciju Help Portrait podržao je frizerski salon Vlado Hair Design, čiji su članovi tima bili zaduženi za frizuru i studio Elena iz Tivta za šminku, a domaćin je i ove godine bio restoran "One", koji je svim prisutnima služio tople napitke i lokalne delicije. Od samog početka realizacije projekta Help Portrait, četvrtu godinu zaredom, a u akciji su volontirale i Petra Soković, Maja Blagojević i Tijana Blagojević.