U Galeriji ljetnikovca Buća večeras s početkom u 21 sat bit će otvorena samostalna izložba slika i crteža Ivana Kneževića. Izložbu čini oko 40 radova, a bit će prezentirana  na dva galerijska nivoa.

„Prepoznajemo ga prije svega kao slikara primorskih motiva, čije slike tematikom i tehnikom pripadaju bokeškom koloritu, priči o igri svjetlosti i sjenke gdje se uvijek osjeća blizina mora. Dok na njegovim slikama nalazimo izvjesnu lakoću ljetnjeg dana, u crtežima susrećemo onu svakodnevnu čovjekovu primisao –suočenje sa istinom da ispod svake lepršave kulise mora biti neka čvrsta konstrukcija , neki teškom mukom sagrađen kostur suštine. I tu prestaje šala, igra svjetlosti , a počinje mračna šuma simbola u koju se stupa sa zebnjom i nelagodom“.