Prijam za đake - dobitnike priznanja „Luča" i nagrada osvojenih na državnim natjecanjima održan je danas u organizaciji Sekretarijata za kulturu i društvene djelatnosti. Predsjednica Općine, dr. Snežana Matijević uručila je nagrade najboljim đacima osnovnih i srednjih škola s teritorija Općine Tivat i tom prigodom im čestitala na postignutom uspjehu.
“Zajedno sa ovog mjesta, svake pa i ove godine, šaljemo poruku: Rad, trud i dobri rezultati izvor su ponosa i uspjeha. Sticanje znanja i uspješno reprodukovanje naučenog jedini su pravi zalog za budućnost. To je jedino što vam niko nikada ne može osporiti ili oduzeti. Znanje koje steknete tokom svog školovanja jedna je od najvažnijih garancija životnog uspjeha, a vjerujte malo je toga što se u današnjem svijetu može nazvati garancijom“, rekla je predsjednica Matijević zahvaljujući učenicima na ostvarenom uspjehu i na tome što su postali „pravi reprezenti Tivta kojem svi zajedno težimo“.
Ispred svih maturanata, nazočne je pozdravio đak generacije iz SMŠ “Mladost” Božidar Ašanin naglašavajući: “Nastojaćemo da ostvarimo naše snove i daćemo sve od sebe da postanemo korisni članovi društva i tako doprinesemo našoj zajednici.”
Dobitnici priznanja “Luča”, njih ukupno 36 su:
- JU OŠ „Drago Milović“: Sara Ristović, Mija Radnjić, Katarina Krivokapić, Bojana Tomašević, Ognjen Đuričić, Rozalija Francesković, Viktorija Samardžić, Anja Stanišić, Đorđe Raičević, Stefan Vukasović, Toni Burić, Danijela Krstović, Antonio Tripović, Danilo Jončić.
- JU OŠ “Branko Brinić”: Slađana Đurašević
- JU Srednja mješovita škola „Mladost“: Božidar Ašanin, Arsenije Brajković, Nataša Vujačić, Dajana Dubravčević, Andro Dragović, Daniela Zifra, Petar Klakor, Jelena Stojković, Kristina Duši, Anastasija Ilić, Aleksandar Njegić, Vladimir Papić, Tonka Stipanić, Aleksandra Vidović, Jelena Vuković, Maja Vuletić, Conor Peterson, Marko Đurišić, Drago Sošić, Vujadin Krivokapić.
- JU Muzička škola Tivat: Anastasija Aleksić
Đak generacije u OŠ “Drago Milović” je Sara Ristović. Đak generacije u OŠ “Branko Brinić” je Slađana Đurašević. Đak generacije u Gimnaziji je Božidar Ašanin, a u tivatskoj Stručnoj školi Conor Peterson. Najbolja u generaciji Osnovne Muzičke škole Tivat je Danijela Krstović.
Lista uspjeha duža je za osvojene nagrade na državnim natjecanjima znanja: Sara Ristović osvojila je II. mjesto iz biologije na Olimpijadi znanja, Pavla Petrović I. mjesto na IV. Državnoj smotri recitatora, dok je Petar Vukotić osvojio III. mjesto na Olimpijadi znanja iz matematike i III. mjesto na Olimpijadi znanja iz informatike.
Nina Mitrović osvojila je I. mjesto, tj. 2. nagradu iz matematike i I. mjesto iz informatike na Oilimpijadi znanja, te brončanu medalju na Balkanskoj matematičkoj olimpijadi. Anastasija Kovačević III. nagradu iz biologije na Olimpijadi znanja. Dijana Mitrović II. mjesto, tj. 3. nagradu iz kemije također na Olimpijadi znanja, dok je Luka Reković osvojio II. mjesto tj.3. nagradu iz biologije na Olimpijadi znanja.
Dobitnice specijalnih nagrada iz Muzičke škole Tivat su: Andrea Nikolić, Doris Račić, Martina Kovačević, Anja Petrović, Danijel Rovčanin, Katarina Bulajić, Matija Vučinović, Lana Đuričić i Ozana Knezović.
Svečani prijam svojim nastupom uveličao je duo flauta - učenice Muzičke škole Tivat Ksenija Franeta i Rezeda Valejeva, dok su prigodne stihove recitirale Pavla Petrović iz OŠ “Drago Milović” i Dajana Dubravčevič iz SMŠ “Mladost”.