Prvu književnu večer na ovogodišnjim Purgatorijama će imati Marko Miloševič, u srijedu, 29.6., s početkom u 21:30 h, pod nazivom „Poezija u Bući”,  na sceni Atrija ljetnikovca Buća u Tivtu.  Specijalne  gošće ove večeri su: Tanja Bošković, Dubravka Drakić, Ivana Mrvaljević i Marijana Zlopaša,  koje će čitati poeziju autora. Ovaj program je humanitarnog karaktera tj. u prostoru ljetnikovca Buća, na vidnom mjestu će biti postavljena kutija,  gdje će posjetitelji  moći  priložiti željenu sumu novca koja će biti uplaćena fondaciji “BUDI HUMAN”.

“Osjećam potrebu da svojim stihovima proživim opet svoju prošlost, preživim sadašnjost, dočekam budućnost, ostanem kad svi trenutno živi odu. Osjećam potrebu da živim I tuđe živote, drame, sudbine. Da prijateljima dam, neprijateljima podam. A ljudi sa dušom, glumci , umjetnici – HVALA –  ostaćemo ili nestati, zajedno! Božija volja” – riječi su autora Marka Miloševića