U organizaciji Centra za kulturu Tivat, u Galeriji ljetnjikovca Buća u Tivtu, večeras će biti otvorena izložba slika akademskog slikara Ivice Aranđusa, koji živi i radi Tivtu i Dusseldorfu.

Izložbu će u 21,30 sati otvoriti Neven Staničić.

Slikar će se predstaviti s 20 radova, rađenih uljanom tehnikom. Radovi su nastali u novije vrijeme, a iz ciklusa su socijalkritičnih tema.

O njegovom radu, povjesničarka umjetnosti Ljiljana Zeković je zapisala:

,,Njegovo likovno djelo pripada angažovanoj umjetnosti,preko koje izražava svoj stav prema destruktivnim pojavama i licimjetstvu društva u kojem živimo, posmatranog sa aspekta sociokulturne antropologije. U klasičnom slikarskom postupku izražava se figuracijom preko koje materijalizuje subjektivni doživljaj svijeta.“