MZ Muo i NVO Naša akcija vas poziva na petu po redu humanitarnu plesnu večer na Muljanskoj rivi, koja će biti održana 30. kolovoza, s početkom u 19 sati. 

„Čekamo Vas da uz svirku, pjesmu, ples i tanjir paste sa plodovima mora damo podršku malom Jovanu u životnoj borbi. Ove godine manifestacija počinje nastupom Gradske muzike, zatim će vas zabaviti grupa Exodus sa još nekim iznenađenjima.

Prethodnih godina ova manifestacija podržala je projekta male biblioteke na otvorenom, skupljene su donacije za socijalno ugrožene porodice u našoj zajednici, donacije za Zajednicu Italijana Crne Gore kada su sredstva usmjerena zemljotresima ugroženom stanovništvu u Italiji, i sredstva za spomen ploču slavnom Muljaninu Andriji Mauroviću.  Ove godine smo izabrali da pomognemo jedinom Kotoraninu, koji se nalazi na listi fondacije Budi Human i kojem je potrebna pomoć za liječenje cerebralne paralize.

Jovanu možemo pomoći po donacijom od 3 Eura po tanjiru tokom plesne večeri, donacijom u našu donatorsku kutiju na događaju.

Pokažimo srce Jovanu i donirajmo za njegov samostalni korak! Ko će ako neće Kotorani Kotoranu“, poručuju organizatori.